5.-7. klasseleir - Skilbrei

Ein leir på vinteren består av møter, aktivitetar, leik og mykje moro.

Det blir ute- og inneaktivitetar alt etter veret.

På leir høyrer vi spennande fortelningar frå Bibelen, vi håpar du får nye leirvenner, kiosken blir open og vi skal ha kosekveld med underhaldning.

Vi er ein gjeng med leiarar som gler oss til å treffe akkurat deg!

Ta med: 
Toalettsaker, pysj, laken, putetrekk og sovepose eller dynetrekk, Bibel, passande kle og sko til ulike typar vêr, innesko og masse godt humør!

Du kan også ta med pengar til kiosk, maks kr 100,-

Det vil vere muleg å gje ei gåve til Ung Global (tidlegare Barnas Misjonsprosjekt).

Ta ikkje med:
Energidrikk, eksterne høgtalarar, PC og andre liknande verdisaker. Vi anbefalar at barna ikkje tek med mobiltelefon, då vi har opplevd misbruk og tjuveri av desse ved tidlegare anledningar.

Me ønskjer at leirane våre skal vere inkluderande, sosiale samlingar der vi ser kvarandre og brukar tid saman. Difor frårår vi bruk av mobil på våre leirar. Deltakarane kan kontaktast ved å ringe leirsjefen. Barna får sjølvsagt ringe heim om dei ønskjer det.

Pris: kr 985,-

Leirklubbrabatt: kr 100,-. Medlemskap i leirklubben: kr 100,- pr kalenderår.

Prisen vil stige med kr 100,- frå og med sju dagar før oppstart av leiren

I påmeldinga spør vi om allergiar og om det er spesielle utfordringar eller særlege behov for hjelp/tilrettelegging. Dette er verdifull informasjon for oss, slik at vi kan legge best muleg til rette for deg!

Har du spørsmål om leiren, ta kontakt med regionkontoret, tlf. 55904800, e-post: vest@nlm.no