Kvinne- og mannshelg samtidig

19.-21. september er det klart for ny kvinnehelg på Lyngmo. Men mennene slepp vera åleine heime - same helga er det Mann 25 i Sætervika.

"Diakoni - angår det meg?" er tema for kvinnehelga på Lyngmo. Rollaug Waaler og Astrid Aarhus Byrknes vert med der. Begge har vore utsendingar for Misjonssambandet og begge er tilknytta Diakonova Haraldsplass. Gjennom bibeltimar, seminar og misjonsfest vil dei dela både frå bibel og kvardagsliv, heime og ute. I tillegg vil Astrid også delta med song og musikk.

Her finn du program og påmelding.

For deg som bur i Bergensområdet er det ulike reisemåtar til Lyngmo. Den enklaste er nok Nor-Way si bussrute som går direkte frå Bergen busstasjon (kl 8.30) til Sogndal (13.30), og lokalbuss vidare (14.05) eller verta henta. 

Men det er og muleg å ta tog til Voss (kl 10.35) og lokalbuss over Vikafjellet og til Sogndal (15.20), og lokalbuss vidare (16.20) eller verta henta. Sjå meir på skyss.no.

Mann 25

Det er ingen grunn for mennene å sitja heime når damene reiser på leir. Same helga er det nemleg mannshelg i Sætervika. Tema der er "Menn på toens vei", og talar er Sverre Bøe. Sjå program og påmelding.