Sheep Sleep
Nyhet

Tryggheim-elevar i noregstoppen i innovasjon

Seks yrkesfagelevar ved Tryggheim vidaregåande skule viste innovasjonskraft på nasjonalt nivå.

Skrevet av Henrik Foss
Region sørvest
Hovedbilde av Ungt Entreprenørskap Norge
16. mai 2024
d
Sheep Sleep og Sanner: Tidlegare kunnskapsminister Jan Tore Sanner var blant jurymedlemmane som vurderte arbeidet til ungdomsbedrifta frå Tryggheim under NM. Her er politikaren i samtale med dagleg leiar Filip Beniamin Cilan i Sheep Sleep. Henrik Foss

Av over 13.000 elevar som har drive ungdomsbedrifter skuleåret 2023/24, blei Sheep Sleep UB frå Tryggheim vgs kåra til den tredje mest innovative i landet då NM blei arrangert i Nova Spektrum i Lillestrøm måndag 6. og tysdag 7. mai. Gründerspirene på programområdet Vg2 elenergi og ekom blei heidra for å utvikle ei sensorløysing som skal varsle bonden om lag 20 minutt før søya skal lemme.

Juryen gav denne grunngjevinga: «Bedriften løser et problem som kommer til å bidra til å gjøre bondeyrket mer attraktivt for neste generasjon. De har tenkt nytt, og har også muligheter for videre ekspansjon.»

d
Sheep Sleep: Kristian Elias Nygård-Forberg, Daniel Kvia, Anna Koch, Filip Beniamin Cilan, Simon Gilje og Stian Eliah Kringlebotten i ungdomsbedrifta Sheep Sleep UB blei kåra til den tredje mest innovative i landet under NM i Nova Spektrum i Lillestrøm 6. og 7. mai. Henrik Foss

I tillegg til å sikre pallplassering fekk dagleg leiar Filip Beniamin Cilan i ungdomsbedrifta presentere forretningsideen i eit møte med statssekretær Wenche Westberg (Sp) i Landbruksdepartementet under meisterskapen.

sd
Sheep Sleep og statssekretær:Dagleg leiar Filip Beniamin Cilan i ungdomsbedrifta Sheep Sleep frå Tryggheim fekk møte statssekretær Wenche Westberg (Sp) og presentere sensorløysinga som bedrifta utviklar. Maria Aasbø