Ekteskap bygget på fjell

Ekteskapskurs

Som ein del av familieprosjektet til NLM og samarbeidskyrkja ICEL i Bolivia har 14 ektepar jobba seg gjennom kurset ekteskap bygd på fjell.

Neste skritt er at dei skal halde kurs i lokalkyrkjene sine og på den måten hjelpe fleire ektepar til å bygge ekteskapet sitt på bibelske prinsipp.

Familiar utan vold

Fysisk og psykisk vold i nære relasjoner er ei stor utfordring i Bolivia. Familieprosjektet har som mål å føre til sunne og stabile familiar.

Det ønsker ein blant anna å gjere ved å fokusere på kva rolle menn og kvinner har i ekteskapet og kva Bibelen lærer oss om familielivet.

I tillegg jobbar familieprosjektet med verdiundervisning inn i skular i nærmiljøet og foreldreveiledningskurset ICDP.

Forankra i kyrkja

Kyrkja i Bolivia ynskjer at familieprosjektet skal fungere i sterk tilknytning til lokalkyrkjene. Då er det gledeleg at det er leiarar og pastorar som har delteke på kursa og som nå er klare for å gje det dei har lært vidare til andre.

For å avslutte ekteskapskurset i Potosi var nasjonal pastor Ivan Figeroa til stades og gjennomførte ein høgtideleg seremoni der ektepara fekk fornya løftene sine.